Hai kuadhimisha wiki ya Maziwa Waziri Wa Kilimo na Uvuvi Mgeni Rasmi

Imetumwa: May 21st, 2024

Wananchi  wametakiwa kujitokeza kushiriki maadhimisho ya wiki ya maziwa yanayotarajiwa kuanza tarehe 28/05/ Hadi 1/06/2024.

Wito huo umetolewa na Mkuu wa wilaya ya Hai Mhe,Amiri Mkalipa katika kikao cha  Baraza la Madiwani  Halmashauri ya wilaya ya Hai ambapo amesema mgeni Rasmi anatarajiwa kuwa Waziri wa Kilimo na Uvuvi, Abdallah Ulega.

Mkalipa amesema maadhimisho hayo yatawashirikisha wadau mbali mbali wa maziwa ikiwa ni pamoja na wanunuzi wa maziwa,wachakataji wa nyama,wataalam wa mifugo watakao toa elimu kuhusu faida ya unywaji wa maziwa kwa wananchi.

Maadhimisho yenye kauli mbiu "Maziwa Salama Kwa afya Bora Na uchumu endelevu" kitaifa yatafanyika Mkoani Mwanza na katika wilaya ya Hai yanatarajiwa kufanyika katika viwanja vya snow view.