Kuelekea Uchaguzi wa Serikali za Mitaa 24/11/2019

Imetumwa: November 21st, 2019

Siku ya Kupiga Kura kwenye Uchaguzi wa Serikali za Mitaa ni tarehe 24-11-2019.

Wananchi wote wa Wilaya ya Hai waliojiandikisha kwenye Orodha ya Wapiga Kura wanakumbushwa kuwa zimebaki siku 3 kuelekea Uchaguzi wa Serikali za Mitaa ambapo watapata nafasi ya kuchagua viongozi wanaowataka kuwaongoza kwa kipindi cha miaka mitano katika nafasi za Mwenyekiti wa Kijiji, Mwenyekiti wa Kitongoji, Wajumbe wa Halmashauri ya Kijiji (Nafasi Mchanganyiko) na Wajumbe wa Halmashauri ya Kijiji (Nafasi za Wanawake).

Kupiga kura kwenye uchaguzi ni haki ya Kikatiba ya kila mwananchi wa Tanzania kwani ni sehemu ya kufanya maamuzi ya kuchagua viongozi watakaoleta maendeleo yanayohitajika kwenye jamii husika hivyo mwananchi wa Wilaya ya Hai usipoteze nafasi yako ya kuchagua kiongozi unayeamini atakuletea maendeleo.

Hudhuria mikutano ya kampeni ili kupata nafasi ya kuwasikiliza wagombea wakinadi sera za vyama vyao na namna watakavyotatua changamoto zilizopo kwenye jamii ili uweze kufanya uamuzi sahihi wa kuchagua kiongozi mwenye sera na mikakati madhubuti ya kutatua kero za wananchi.