Lazaro Twange akabidhi Ofisi Kwa Hassan Bomboko

Imetumwa: January 31st, 2025

Aliyekuwa Mkuu wa wilaya ya Hai Lazaro Twange ametoa shukrani kwa viongozi wa serikali, wafanyakazi ,na jamii kwa ujumla kwa kipindi alichohudumu katika nafasi yake ndani ya wilaya ya hai

Ametoa shukrani hizo katika hafla fupi ya makabidhiano ya ofisi baina yake na aliyekuwa mkuu wa wilaya ya ubungo ndugu Hassan Bomboko  ambapo kwa sasa ndiye Mkuu wa wilaya ya Hai huku Twange akielekea katika wilaya ya Ubungo jijini Dar Es Salaam.

Twange amesema ushirikiano mzuri alioupata ndani ya wilaya ya hai ni funzo tosha huku akizitaka idara mbalimbali kufanya kazi kwa bidii

Kwa upande wake Mkuu wa Wilaya ya Hai Hassan Bomboko   ameahidi kuendeleza mapambano ya maendeleo pale yalipoishia.

Hafla hiyo imehudhuriwa na viongozi mbalimbali wa Serikali,Taasisi binafsi ,Viongozi wa dini pamoja na Watumishi.