Mkuu Wa Wilaya ya Hai Lengai Ole Sabaya Aagiza Kupewa Taarifa Ya Kamati ya Uchunguzi Sekondari Ya Lyamungo

Imetumwa: April 15th, 2020

Mkuu wa wilaya ya Hai Lengai ole Sabaya ameagiza  kupewa taarifa ya kamati inayodaiwa kufanya uchunguzi wa tuhuma za mkuu wa shule ya sekondari Lyamungo iliyosababisha mwalimu huyo kuhamishwa kituo cha kazi na kutaka  TAKUKURU kufanya uchunguzi kubaini kama Kuna hila juu ya uhamisho huo.

Ametoa agizo hilo baada ya Mkuu huyo kudaiwa kupokea barua ya uhamisho na kutakiwa kuripoti katika shule ya sekondari Lemira baada ya kuwepo madai ya mwalimu huyo kutokuwa na ushirikiano na walimu wenzake.

Sabaya amemtaka afisa elimu kumpatia taarifa ya uchunguzi wa tuhuma zinazodaiwa kusababisha mkuu huyo wa shule ya secondari Lyamungo kuhamishwa, kwakuwa  mwalimu huyo hakupewa nafasi ya kusikilizwa kwenye tuhuma anazotuhumiwa.

Amesema  tangu mwalimu huyo kuwasili shuleni hapo mwezi August mwaka Jana amefanikiwa kumaliza migogoro shuleni hapo na kushtushwa na kitendo cha yeye kuhamishwa kwa tuhuma  bila ya kusikilizwa.

Kwa upande wake afisa elimu secondari wilaya ya Hai Julius Kakyama amesema hajui chochote kuhusu tuhuma hizo, na kwamba  uhamisho huo  umetoka ngazi ya Mkoa.