Ujenzi Wa Miundo Mbinu Wa Shule Kunufaisha Wananchi Wa Romu

Imetumwa: February 6th, 2026

Diwani Kata ya Romu  Wilaya ya Hai Mkoa wa Kilimanjaro Salim Mfoy, ameishukuru Serikali kwa  ujenzi wa vyumba vitatu vya madarasa na matundu sita ya vyoo katika shule ya msingi Tolu.

Mfoy amebainisha hayo  februari 6,2026 katika  ukumbi wa halmashauri ya wilaya ya Hai wakati akitoa taarifa ya utekelezaji wa robo ya pili ya mwaka 2025 inayoanzia oktoba  hadi mwezi disemba.

Aidha  Mfoy amesema majengo hayo yamegharimu kiasi cha Shilingi 80,600,000 na yamemalizika kwa asilimia 100.

Hata hivyo diwani Mfoy ameiomba serikali kuendelea na ujenzi wa nyumba ya walimu, ili kuweka mazingira rafiki ya kufundishia na kuongeza ufanisi na utendaji kazi kwa walimu.