Viongozi wa Siasa Waonywa Kutokwamisha Zoezi la Uandikishaji Serikali za Mitaa

Imetumwa: October 16th, 2019

Mkuu wa Wilaya ya Hai Lengai Ole Sabaya amewataka baadhi ya viongozi wa vyama vya siasa wanaokwamisha  zoezi la kuwaandikisha wananchi katika  daftari la orodha ya wapiga kura  kuacha mara moja kwani kwa kufanya hivyo ni kuwanyima  haki yao ya msingi ya kupiga kura.

Akizungmza na wanachi katika eneo la soko la Bomang’ombe  hii leo, amesema wamejitokeza baadhi ya viongozi wa siasa wanaovuruga zoezi hili kwa kuwahamasisha wananchi kutojiandikisha na kwamba hatamvumilia kiongozi yoyote atakayeendelea kuvuruga zoezi hili muhimu kwa taifa.

“Walipogundua nyie wananchi mmepata mwamko, leo mnajiandikisha tumetoka asilimia nne hadi  sasa tupo asilimia 66  wakaa juzi kuweka mikakati ya kukwamisha wanaanza kuwatisha eti wale watakaojiandikisha mtafaamiana nao, mnawatisha wananchi ninyi ni nani?”