Wananchi Washauriwa Kujitokeza Kujiandikisha kwenye Orodha Ya Wapiga Kura

Imetumwa: September 26th, 2024

Msimamizi wa uchaguzi halmashauri ya Wilaya ya Hai ndugu Dionis Myinga amewataka wananchi wenye sifa kujitokeza kushiriki katika uchaguzi wa serikali za mitaa unaotarajiwa kufanyika tarehe 27 Novemba 2024.

Dionis ametoa wito huo leo Septemba 26 wakati akitoa maelezo muhimu kuhusu uchaguzi wa huo tukio lililowashirikisha wadau mbali mbali ikiwa ni pamoja na viongozi wa vyama vya siasa wilaya ya Hai.

Amesema ni vema wananchi wenye sifa ya kupiga kura wajitokeze kwa wingi katika kujiandikisha katika orodha ya wapiga kura  ili waweze  kutumiza  haki yao ya msingi ya kuchaguliwa na kuchagua viongozi wa maeneo yao.

 “hivyo nawahimiza wananchi wa hamashauri ya wilaya ya Hai kujitokeza kwa wingi kupiga kura siku ya Jumatano ya tarehe 27 ,mwezi Novemba 2024”

Donis ametaja nafasi mbalimbali zitakazo gombea kuwa ni pamoja na Mwenyekiti wa Kijiji,Mjumbe wa Halmshauri ya Kijiji na Mwenyekiti wa Kitongoji.

Kwa upande wake afisa Uchaguzi Wilaya ya Hai ,Rajabu Yateri amesisitiza umuhimu wa wadau wote wanaoshiriki katika mchakato wa uchagzuzi kuzingatia kananuni na ratiba ya uchaguzi.