Wananchi Watakiwa Kushiriki Katika Utekelezaji Wa Miradi

Imetumwa: January 28th, 2026

Makamu Mwenyekiti wa halmashauri ya wilaya ya Hai  Trael Mboya amewataka wananchi kushiriki kikamilifu miradi mbalimbali inayotekelezwa katika maeneo yao ili iweze kuwanufaisha.

Amebainisha hayo wakati wa ziara ya Kamati ya Fedha, Uongozi na Mipango  ikikagua Ujenzi wa madrasa 3 na matundu 6 ya vyoo Katika Shule ya Msingi Tolu vilivyo garimu shilingi 88,600,000.

Mboya amesema kuwa endapo wananchi watashirikishwa ipasavyo katika miradi iliyoko katika maeneo yao ,wataitunza vyema kwani watatambua mchango wao katika  miradi hiyo.

Hata  hivyo Mboya amemshukuru Rais wa Jamhuri ya Muungano wa Tanzania Dkt Samia Suluhu Hassan kwa kutenga fedha  kwa ajili ya utekelezaji wa Miradi Katika Wilaya ya Hai na Mhe.Mbunge wa Jimbo la Hai Saashisha Mafue kwa kuomba na kufatilia maombi mbalimbali ya Miradi inayo ombwa Katika ngazi mbalimbali.

Naye  Diwani wa kata ya Romu Wilaya ya Hai Salim Mfoi amewapongeza wananchi kwa jinsi ambavyo walijitoa kwa ajili ya kuchimba mashimo ya vyoo pamoja na kuchimba msingi wa madarasa matatu katika shule  ya msingi Tolu iliyoko katika kata ya Romu.