Hai Yang'ara Unawaji Wa Mikono Mkoa Wa Kilimanjaro

Imetumwa: July 23rd, 2024

Mweenyekiti wa halmashauri ya Wilaya ya Hai Edmund Rutaraka amewapongeza wahudumu wa Afya Msingi,watendaji wa vijiji na Kata Kwa kuwezesha Wilaya y Hai kufanya vizuri katika zoezi la usafi wa Mazingira na Unawaji wa Mikono.

Rutaraka ametoa pongezi hizo wakati wa kikao kazi kilichofanyika Kwa kuwasirikisha wahudumu Wa afya Msingi, Watendaji wa Vijiji na Kata.

Awali akimkaribisha Mwenyekiti wa Halmashauri,Mganga Mkuu wa Hospitali ya Wilaya ya Hai Dkt Itikija Msuya amesema Wilaya ya Hai imekuwa ya kwanza kwa usafi wa mazingira na unawaji wa mikono Kwa Mkoa wa Kilimanjaro Kwa kupata  asilimia 98.

Dkt Msuya amesema  Hai imefanya vizuri kutokana na wahudumu hao Kutoa elimu ya afya na usafi Kwa Jamii.

Dkt Msuya  amewataka kuendelea kushirikiana katika kuhakikisha kuwa wilaya inaendelea kufanya vizuri.