Idara ya Usafi na Mazingira ni moja kati ya Idara zinazounda halmashauri ya Wilaya ya Hai. .Jukumu kubwa la Idara ni pamoja na usimamizi wa shughuli za Usafi na uhifadhi wa Mazingira kwa lengo la kudhibiti na kuzuia kuenea kwa magonjwa yatokanayo na uchafu na kudhibiti uharibifu wa Mazingira.Hii ni katika kuboresha ustawi wa jamii ili kuleta maendeleo kwa wananchi.
KAZI ZA IDARA.
Kusimamia Usafi wa Majengo, Maeneo ya Wazi, Barabara na Mifereji.
Kusimamia na kuratibu Usafirishaji, Uchambuzi na Utupaji wa taka ngumu katika eneo rasmi (Dampo)
Kusimamia utekelezaji wa sheria zinazohusu Afya ya mazingira.
Kusimamia udhibiti wa uchafuzi wa mazingira, Ardhi, Maji, Hewa na Sauti katika makazi.
Kusimamia utunzaji wa Mazingira na upandaji wa Miti na upendezeshaji wa Mazingira
Kufanya tathimini ya athari za Mazingira katika shughuli mbalimbali za maendeleo.
Kukusanya na kuchambua takwimu za Afya ya Mazingira.
Kuelimisha jamii juu ya mbinu za kujikinga na kupambana na magonjwa ya mlipuko.
Halmashauri inapambana na uchafuzi wa mazingira kwa kutumia Sheria ndogo ya usafi wa mazingira pia elimu imeendelea kutolewa kwa jamii juu ya umuhimu wa usafi na utunzaji wa mazingira, kwa kupitia kamati za mazingira, vikundikazi vya mazingira, vikao vya WDC na vipindi maalumu vya Mazingira kupitia redio yetu ya Halmashauri Redio - Boma FM.
