Kuwatembelea wafugaji ili kutoa ushauri wa kitaalam katika maeneo yao ya kazi.
Kutoa chanjo ya kichaa cha mbwa na paka.
Kukagua nyama katika machinjio ya yote yaliyopo katika Wilaya ya Hai saa 1:00 asubuhi baada ya kuchinja kila siku.
Kutoa matibabu ya mifugo na kufanya uchunguzi wa ugonjwa.
Ukaguzi wa afya ya mifugo na mazao yake
Utambuzi wa magonjwa, ufuatiliaji na utoaji wa kinga
Kutoa ushauri na elimu bora juu ya mifugo
Kuandaa taarifa za idara za mwezi, robo mwaka na mwaka
Kufuatilia na kutekeleza miradi ya maendeleo ngazi ya kata na Halmashauri
Kufanya utambuzi na usajili wa mifugo na kuhuisha takwimu za mifugo
Kusimamia sheria ya uvuvi namba 22 ya mwaka 2003 na kanuni zake za mwaka 2009.
Kutoa elimu ya kisasa juu ya ufugaji wa samaki.
Wilaya ina majosho 10 na vituo 10 vya afya ya Mifugo, kliniki 1 ya mifugo, vituo 20 vya kukusanyia maziwa, mnada 1 wa Mifugo na machinjio 1. Katika kuboresha lishe ya wananchi Wilaya ina mabwawa 53 ya samaki wa aina mbalimbali.
Idadi ya wafugaji waliopata mafunzo ya ufugaji bora imeongezeka kutoka 6,340 mwaka 2015 hadi 23,725 mwaka 2018, idadi ya mitamba iliyozalishwa na kusambazwa imeongezeka kutoka 477 mwaka 2015 hadi 2,234 mwaka 2018; idadi ya wafugaji waliopata elimu juu ya ufugaji bora wa ng’ombe wa maziwa imeongezeka kutoka 1,340 hadi 4,433. Vituo vya kukusanyia maziwa vimeongezeka kutoka 11 hadi 31. Jumla ya mifugo 256,529 imepatiwa chanjo ya kuzuia magonjwa. Wilaya imetekeleza agizo la serikali la kupiga chapa ng’ombe na kufanikiwa kwa asilimia 102% kwa kupiga chapa jumla ya ng’ombe 32,470.
