Katibu Tawala Wilaya Ya Hai Azindua Wiki Ya Sheria

Imetumwa: January 24th, 2025

KATIBU tawala wilaya ya hai ndg SOSPETER MAGONERA amefungua rasmi maadhimisho ya wiki ya sheria yaliyozinduliwa  katika Mahakama ya mwanzo iliyopo wilaya ya Hai mkoani Kilimanjaro.

Maadhimisho hayo ambayo yanahusisha utoaji wa elimu ya kisheria kwa wananchi bila malipo, yataendelea mpaka tarehe 3 ya mwezi wa 2 ikiwa ndiyo siku ya kilele cha maadhimisho hayo

Hata hivyo MAGONERA ambaye ndiye alikuwa mgeni rasmi katika shughuli hiyo amewataka wananchi wa wilaya ya hai kujitokeza kwa wingi katika wiki ya sheria kutembelea Mahakama zilizopo karibu ili kupata elimu ya kisheria.

Pamoja na hayo amesema ni muhimu kwa kila mwananchi kuitambua nafasi yake kwa kuhakikisha anapata huduma ndani ya siku zilizotajwa kwani kwa kufanya hivyo itawajengea uelewa mzuri   kupitia elimu hiyo

Kwa upande mwingine amezungumzia dhana kamili ya kauli mbiu ya maadhimisho hayo ya wiki ya sheria  ambapo amesema kauli mbiu inatoa hamasa kwa taasisi zote zinazosimamia haki kwa kuzingatia dira ya taifa ya maendeleo ya mwaka 2050

Kwa upande wake hakimu mfawidhi   mahakama  ya wilaya ya Haii bi  Julieth Maole  amezungumzia namna ambavyo  kesi  kwa mwaka 2024  zilivyopungua hadi kufikia 104 ukilinganisha na kipindi cha nyuma ambapo walikuwa wakifunga mwaka na kesi 400 mpaka 600

Hata hivyo amesema lengo lao kwa mwaka 2025 ni kuhakikisha kesi za uhalifu zinapungua Zaidi au kumalizika kabisa huku akisisitiza yakwamba jambo hilo linawezekana.