Mkurugenzi Dionis Myinga Aishukuru Kambele Kwa Msaada Wa Sementi

Imetumwa: October 23rd, 2023

Mkurugenzi wa halmashauri ya wilaya ya Hai Dionis Myinga ameishukuru kampuni ya kambele Investment kwa msaada wa saruji na kompyuta ikiwa ni kwa lengo la kurudisha kwa jamii faida waliyopata.

Ameyasema hayo wakati akipokea msaada huo wa mifuko Mia moja ya siment pamoja na kompyuta kutoka kwenye Kampuni hiyo

Aidha ametoa wito kwa kampuni zingine  na wafanyabiashara kuiga kutoka kwa kampuni ya kambele Investment kwani msaada huo wa siment utasaidia kwenye mahitaji mbalimbali kama ujenzi wa matundu ya choo kwa shule ambazo miundombinu yake haiko sawa

Pia ameitaka kampuni ya hiyo kufata kanuni katiba na miongozo ya Jamuhuri ya Muungano wa Tanzania ili kuepuka migogoro  ya kuuza maeneo mara mbili kwani wananchi wanapaswa kupata  huduma bora  hvyo nivyema kujitaftia kipato vya halali.

Nae Mkurugenzi wa Kambele Investment  Winston Kambele  amesema kuwa  wametoa mchango huo ili kuunga mkono katika juhudi za kujenga wilaya ya Hai.