Mkuu Wa Wilaya Ya Hai Alitaka Jeshi La Akiba Kuzuia Uhalifu

Imetumwa: October 22nd, 2019

Mkuu wa wilaya ya Hai Mkoani Kilimanjaro Lengai Ole Sabaya amelitaka Jeshi la akiba  kwakushirikiana na jeshi la polisi kuanza  mara moja opareshini za mara kwa mara zitakazo wezesha kujua maeneo yote yanayohusika na uuzaji wa madawa ya kulevya pamoja na utengenezaji wa pombe haramu aina gongo ndani ya wilaya.

Ametoa agizo hilo hii leo wakati wa kikao kazi na askari wa jeshi hilo la akiba katika viwanja vya Halmashauri hiyo ambapo amesema hivi sasa ni wajibu wao kuhakikisha wanafanya opereshini hiyo ambayo pia itasaidia kujua, kutambua wageni wote wanaoingia wilayani hapo na shughuli wanazozifanya kwa muongozo wa polisi kata lengo likiwa nikuhakikisha kuwa wilaya ya Hai inakuwa salama wakati wote.

Pia amewatahadharisha  kutokumuonea mtu yoyote wakati wa opareshini hiyo huku akiwaasa kutokujiingiza katika biashara ya uuzaji wa madawa ya kulevya pamoja na pombe haramu na atakae bainika kufanya hivyo atachukuliwa hatua kali za kisheria na kinidhamu.

Kwa upande wake katibu tawala wa wilaya ya Hai Pendo Wela amewataka kuwa na  uzalendo ,nidhamu na kuzingatia kiaopo walichokiapa ili kuwetekeleza majukumu yao kikamilifu.

Kwa upande wake kaimu mkurugenzi wa Halmashauri ya wilaya ya Hai Elia Machange amesema kuwa wao kama halmashauri wako tayari kushirikiana na jeshi hilo  wakati wote huku akilipongeza kwani limekuwa na mchango mkubwa wakuchangia amani kwa wakati wote ndani ya wilaya.