Wananchi Wametakiwa kuchukua tahadhari

Imetumwa: October 23rd, 2023

Kufuatia mvua za elnino zinazotarajia kunyesha hivi    karibuni,zilizotangazwa na mamlaka ya hali ya hewa Tanzania TMA mkuu wa  wilaya ya Hai mheshimiwa Amir Mkalipa amewataka wananchi wa wilaya ya Hai kuchukua tahadhari ili kuweza kukabiliana na athari zinazoweza kutokea kutokana na mvua hizo.

Amebainisha hayo lipokuwa akizungumza na kamati mbalimbali za za maafa wilaya ya Hai katika mkutano uliofanyika katika ukumbi wa halmashauri ya wilaya ya Hai.

Amesema kuwa ni jukumu la kila mwananchi kuhakikisha kuwa anachukua tahadhari kabla mvua hizo hazijaanza kunyesha ambapo pia amezitaka kamati za maafa za wilaya kuhakikisha zinatoa elimu ya kutosha kwa wananchi ili kuepukana na madhara yanayoweza kujitokeza kama vile mafuriko.

Ameongeza kuwa kamati za maafa kuanzia ngazi ya kijiji zinatakiwa kujikita katika kutoa elimu na kuhamasisha wananchi kuchukua tahadhari za kujijkinga na maafa ikiwa ni pamoja na kuhama katika maeneo ya mabondeni.

Hata hivyo mkuu wa wilaya amewataka viongozi wa dini kufanya maombi na dua ili mvua hizi zinazotarajiwa kunyesha zisilete madhara makubwa kwa Taifa.