Wananchi Washauriwa Kuondoa Miti Ili Kupisha Ujenzi Wa Barabara

Imetumwa: August 28th, 2023

Diwani wa Kata ya Masama Kusini mhe. Cedrick  Pangani ,ametoa wito kwa jamii  koundoa miti iliyopo  pembezoni mwa barabara  ya Mungushi Nkwamakuu ili kupisha  ujenzi  wa barabara  katika eneo hilo.

Ameyazungumza hayo katika kipindi cha siku mpya kinachorushwa  na redio boma Hai fm mapema hii leo.

Pangani amesema Tarura wapo tayari kuanza  ujenzi huo wa barabara ambao una urefu wa kilometa kumi na mbili nukta moja sita .

Hata hivyo ametoa shukrani zake kwa Raisi wa Jamhuri ya Muungano wa Tanzania mhe Samia Suluhu Hassan kwa  kuwapa fedha ya utekelezaji wa miradi katika baadhi ya miradi katika kata ya hiyo.

Amesema tayari mpaka hivi sasa darasa moja katika shule ya msingi msamadi iliyopo kijiji cha kwasadala umekamilika na ukarabati mwingine unaendelea shuleni apo.

Mhe Pangani amesema njia pekee ya kutunza rasilimali za nchi ni pamoja na kumshirikisha mwananchi kwa kila chanzo kipya cha maendeleo ili awe balozi bora katika miradi inayotekelezwa.