Wasimamizi Wa Miradi Watakiwa Kusimamia Fedha za Miradi Hiyo

Imetumwa: August 15th, 2023

Mkuu wa Mkoa wa Kilimanjaro Nurdin Babu amewataka  wasimamizi  wa miradi  ya maendeleo kuwa waangalifu na kusimamia vema fedha zinazotolewa na serikali  ili kukamalisha miradi hiyo kwa wakati.

Amebainisha hayo wakati akitembelea miradi ya maendeleo   katika wilaya ya Hai ikiwemo shule ya msingi Mlima Shabaha, shule ya msingi Kingereka, shule ya sekondari Harambee, shule ya sekondari ya Machame girls, kituo cha afya cha Kisiki pamoja na ujenzi wa barabara ya Snow view.

Hata hivyo amewaomba wananchi  kuunga mkono jitihada zinazofanywa na  Rais wa Jamhuri ya Muungano wa Tanzania dkt. Samia Suluhu Hassan katika kuwaletea maendeleo.

Kwa upande wake msimamizi wa mradi huo Martha Zablon ambaye ni mwalimu mkuu wa shule ya msingi Kambi ya Raha  ametoa shukrani za dhati kwa serikali  kwa kutoa kiasi cha shilingi 348,500,000.00  ujenzi wa shule hiyo mpya.

Nao wakazi wa eneo hilo wamefurahishwa na ujenzi wa shule hiyo mpya kwani hapo awali wanafunzi walikuwa wanatembea umbali mrefu kufuata huduma hiyo.