Madiwani Watakiwa Kusimamia Fedha Za Maendeleo

Imetumwa: May 10th, 2023

Taasisi ya Kuzuia na kupambana na    Rushwa nchini (TAKUKURU) Wilaya ya Hai imewataka Madiwani kusimamia kikamilifu fedha za maendeleo zinazotolewa na Serikali kwaajili ya ujenzi wa miradi ya maendeleo ili kuhakikisha thamani halisi ya fedha hizo inaoneka.

 Akizungumza katika kikao cha baraza la madiwani, kamanda wa TAKUKURU wilaya ya Hai, Josiah Gunda alisema kuwa endapo madiwani watasimamia vizuri fedha za maendeleo itasaidia kupata miradi ilio bora na yenye thamani halisi.

"Fedha zinatolewa kwa ajili ya ujenzi madarasa, vituo vya afya, miundombinu ya barabara pamoja na miradi mingine ya maendeleo naomba mkasimamie         kikamilifu usiku na mchana ili thamani ya fedha hizo             Ikaonekane," alisema Gunda.