Msimamzi Wa Uchaguzi Awataka Wasimamizi Wa Uchaguzi Kuendelea Kusimamia Zoezi Hilo Kwa Mujibur Wa Sheria

Imetumwa: November 27th, 2024

Msimamizi wa Uchaguzi wilaya ya Hai Dionis Myinga  ameshiriki katika Zoezi la Kupiga kura katika kituo cha Bomani ambapo amewashukuru Wananchi wote na kuendelea kutoa wito kuendelea kupiga kura kwa amani na utulivu.

Myinga ameongeza kwa kuwaomba wasimamizi wa uchaguzi kuendelea kusimamia watu wapige kura kwa haraka ili Kuondoa foleni katika vituo vya kupiga kura pamoja na kulinda amani wakati wote wa uchaguzi na hata baada ya Matokeo ya Uchaguzi.

Amesema katika wilaya ya Hai Kuna vijiji 62 na vitongoji 292 ambavyo vyote vinawagombea,vile vile amesema vyama vitatu ndio vimetoa wagombea kuwania nafasi za uongozi ambavyo ni Chama cha Mapinduzi (CCM), Chama Cha Demokrasia na Maendeleo(CHADEMA) na ACT Wazalendo.