RUWASA Waagizwa Kutoa Bei Elekezi Ya Maji

Imetumwa: May 8th, 2023

Wakala wa Maji na Usafi wa Mazingira    vijijini na mijini (RUWASA) wametakiwa   kutoa bei elekezi ya maji kwa wananchi.

Kauli hiyo ameitoa Mwenyekiti wa Chama Cha Mapinduzi (CCM) Wilaya ya Hai. Ndg. Wang’uba     Maganda  wakati wa ziara ya kamati ya chama hicho kukagua utekelezaji wa Ilani ya CCM  kwenye ujenzi wa tanki la maji lenye urefu wa mita sita uliopo eneo la           Kimambogo kata ya Bondeni.

Mwenyekiti aliwataka wakala hao kutoa bei elekezi kwa wananchi  kwakuwa wananchi wengi hawana uelewa sahihi wa kiwango wanachostahili kulipa baada ya kupata        hudmuam hiyo muhimu.

Awali akisoma taarifa ya utekelezaji wa mradi huo  Meneja wa        RUWASA wilaya ya Hai Emmanuel Mwampashi amesema tanki hilo lilianza           kujengwa Mwezi Disemba 2022  kwa gharama ya Shillingi  100,000,000.

Amesema tanki hilo lina  ukubwa wa mita za ujazo 100 sawa na lita (100,000),  linatumia chanzo kikuu cha maji  cha chem chem ya Musa Toroka chenye uwezo wa kuzalisha lita 120 kwa sekunde kilichopo Rundugai Kata Ya Masama Rundugai.

Amesema maji hayo yanatarajiwa                 kusaidia wakazi zaidi ya 9,500  kutoka  vijiji vya kawaya, Rundugai, na Cheki Maji.

Kwa upande mwingine Mwampashi          amewataka wananchi kuendelea kulinda                  vyanzo vya maji  pamoja na miundo mbinu iliyotekelezwa na      inayoendelea             kutekelezwa na Serikali ili iweze   ili       iweze kudumu kwa    muda mrefu na   kuendelea       kutoa huduma muhimu kwa  wananchi kama     ilivyokusudiwa.

Mradi unatekelezwa kwa fedha za Serikali kupitia Mfuko wa Maji wa Taifa, unaofanywa na   wataalamu wa ndani, na kusimamiwa na ‘RUWASA’ Wilaya, Mkoa.