Wananchi Washukuru Kwa Umeme

Imetumwa: May 8th, 2023

Wananchi na wakazi wa kijiji cha Mlima   Shabaha Wilayani Hai Mkoani Kilimanjaro, wameishukuru Serikali ya awamu ya sita inayoongozwa na Mhe. Rais Dkt. Samia Suluhu Hassan kwakuwasogezea karibu huduma ya umeme.

Pongezi hizo zimetolewa mbele ya Kamati ya Siasa wakati wa ziara ya ukaguzi wa utekelezaji wa Ilani ya Chama Cha Mapinduzi (CCM) wilaya ya Hai katika mradi wa umeme unaotekelezwa na   Wakala wa Nishati Vijijini REA awamu ya  Pili katika eneo la Mlima Shabaha  ukiwa umelenga            kuwanufaisha wananchi wa Mlima Shabaha na eneo lililotengwa kwaajili ya  viwanda   lililopo nyuma ya Mashine Tools.

Mmoja wa wanachi hao alisema, ‘’Kabla ya kukamilika kwa mradi huu tulikua              tunashindwa kufanya baadhi ya shughuli za kimaendeleo hususani zinazoendeshwa kwa  kutegemea mifumo ya umeme na kushindwa kuendana na kasi ya maendeleo ya Serikali’

‘’Huduma hii tulikua tukiisubiri kwa muda mrefu lakini leo hii tunaishukuru Serikali yetu kua sikivu kwakufanikisha hili”: alisema Laizer.

Kusogezwa karibu kwa mradi huu            kutawawezesha wananchi hao kujiajiri na jambo litakalowasidia kujiendeleza kiuchumi kwa kufanya shughuli             tofautitofauti.