Wauguzi Watakiwa Kutoa Huduma Kwa Kuzingatia Maadili

Imetumwa: August 15th, 2023

Wauguzi Mkoani Kilimanjaro wametakiwa kutoa huduma bora kwa wananchi kwa kuzingatia maadili, taratibu na sheria za taaluma yao.

Wito huo umetolewa na Mkuu wa Mkoa wa Klimanjaro Mhe.  Nurdin Babu wakati wa  ziara ya kukagua ujenzi wa kituo cha afya  cha Kisiki kilichopo katika kata ya Machame Kaskazini wilayani Hai.

Babu amesema  kuna baadhi ya wauguzi wanaotoa lugha chafu kwa wagonjwa hali inayosababisha wananchi kulalamikia kero hiyo kwa viongozi  na kuongeza kuwa hatosita kuwachukulia hatua wauguzi hao wanaokiuka maadili ya kazi.

Hata hivyo  wananchi wa kata hiyo wameishukuru serikali ya awamu ya sita kwa kuboresha miundombinu ya hospitali hiyo kwa kuwajengea jengo la upasuaji ambapo hapo awali walikuwa wakifuata huduma hiyo katika hospitali nyingine.