Kupata Kibali cha Kusafiri Nje ya Nchi kwa Watumishi wa Serikali

NIFUATE HATUA ZIPI ILI NIPATE KIBALI CHA KUSAFIRI NJE YA NCHI?                                                                      

SAJILIWA KWENYE MFUMO NA AFISA TEHAMA   

• Mwombaji hakikisha una taarifa zifuatazo
• Majina yako matatu
• Namba yako ya simu
• Barua pepe yako
• Idara/kitengo unakotoka Mfano TEHAMA/ELIMU SEKONDARI N.K
• Cheo chako Mfano Information Communication Technology Officer (ICTO)

HUISHA AKAUNTI YAKO YA MFUMO WA KUOMBA KIBALI

• Ingia kwenye anuani ya barua pepe yako(uliyosajiliwa nayo), utakuta barua pepe 
• Fuata maelekezo uliyopewa kwenye barua pepe yako ili kuweka nenosiri/nywila (password) mpya.
• Kuingia kwenye mfumo tumia https://www.safari.gov.go.tz kisha andika anuani ya barua pepe yako pamoja na neno siri/nywila uliyotengeneza.
• JINSI YA KUOMBA KIBALI

TAARIFA NA NYARAKA MUHIMU

Mwombaji awe na taarifa/nyaraka zifuatazo kulingana na mahitaji ya Safari (Nyaraka zote ziwe fomati ya pdf)

1. Namba ya hati ya kusafiria (passport number)
2. Tarehe ya safari (Iwe siku 21 au zaidi kabla ya tarehe/siku ya safari).
3. Kiasi cha nauli na posho unayotakiwa kulipwa/kupewa (Kama safari inagharamiwa na Serikali)
4. Barua ya mwaliko kutoka nchi utakayoenda
5. Barua ya utambulisho kutoka kwa Mkurugenzi Mtendaji wa Halmashauri (Mkuu wa Taasisi)
6. Fomu ya likizo kama safari ni binafsi mfano mapumziko/matembezi n.k
7. Fomu ya rufaa ya matibabu (Safari kwa ajili ya matibabu)
8. Barua ya udahili, mdhamini na mwaliko (Safari ya kimasomo ya muda mrefu)
   NB: Afisa TEHAMA atakupa maelekezo ya kuomba kibali kwenye mfumo mara tu nyaraka zote zitakapokamilisha na kuwasilisha kwa kuzingatia vigezo vilivyokubalika.

JINSI YA KUFUATILIA KIBALI

Mara baada ya kujaza fomu kwenye mfumo na kubonyeza neno WASILISHA, Maombi yako yatafika kwa Mkurugenzi Mtendaji wa Wilaya ya Hai(Mkuu wa taasisi). Mtaarifu ili aidhinishe kibali chako kiweze kwenda hatua inayofuata.

• Hatua/hali  za maombi ya kibali chako yataonekana kwenye mfumo kupitia akauti yako ya mfumo au
• Unaweza kufuatilia maombi kwa njia ya simu,
•  Andika neno KIBALI acha nafasi ikifuatiwa na Namba ya kumbukumbu (Mfn: KIBALI V12345678) halafu tuma kwenda 15200. Ujumbe mmoja utakugharimu Tsh. 100 tu.

Nitakiona vipi kibali?

• Ingia kwenye akauti yako ya mfumo kisha bonyeza kiungio “Maombi yaliyoidhinishwa”
• Bonyeza kiungio (link) iliyoandikwa “View” upande wa kulia
• Kibali kitafunguka na unatakiwa kuchapisha (print) ukiwa ndani ya mfumo