Bonde La Mto Pangani Latakiwa Kutoa Elimu Ya Mazingira

Imetumwa: March 30th, 2023

Mwenyekiti wa kamati ndogo iliyoundwa na baraza la madiwani kufuatilia suala la mazingira wilayani Hai, mhe Nasibu Mndeme ameitaka  bodi ya   Maji Bonde la Pangani  Mkoani Kilimanjaro kutoa elimu ya mazingira kwa wananchi na viongozi  wanaozunguka vyanzo hivyo.

Mndeme ametoa rai hiyo wakati wa ziara ya kamati hiyo iliyolenga kukagua vyanzo vya maji katika eneo la ziwa boloti lililopo  kitongoji cha Maiputa iliyowashirikisha  Viongozi wa Vijiji , Watendaji na baahi ya watumishi wa bonde hilo 

Amesema kundi ilo muhimu likipata elimu itasaidia kuzuia uharibufu wa mazingira unaofanyika katika maeneo mengi ya vyanzo vya maji.

Awali akizungumza katika ziara hiyo Patrice Otieno Afisa Maendeleo ya jamii kutoka bonde hilo, litaweka    alama za kudumu  katika eneo hilo ilikufahamu mipaka halisi  na kulilinda kutokana uharibifu wa shughuli za kibinadamu kutishia  eneo hilo kukauka.

 Otieno amesema lengo la kuweka alama hizo ni kufahamu enao la ziwa ili kulilinda na   kuzuia Watu wanasogeza mipaka kila siku na kufanya shughuli mbali mbali

 “Kama mlivyoona  za kilimo na kuingiza mifugo hivyo lazima tutunze eneo hili ,tukiondoka hapa nani atafahamu mipaka halisi ni kweli Machi 30 mwaka huu tunaanza zoezi hilo kwa kushirikiana Viongozi wa Vijiji vinne ,vikiwamo kyuu na Mungushi na hivyo Viongozi wa vijijij hivyo  na Watendaji pamoja na Wananchi wanaopakana na ziwa hilo wanatakiwa kufika "alisema

Naye Mwenyekiti wa kitongoji cha Maiputa Benson Ndos, ameshukuru Bonde hilo kwa Kuona umuhimu wa kuweka vigingi ,alisema Watu wamekuwa Wakilima na kusogea kwenye ziwa kwa sababu hakuna alama.