CRDB Hai Yasaidia Mapambano ya Corona

Imetumwa: May 6th, 2020

Meneja wa Benki ya CRDB Tawi la Hai mkoani Kilimanjaro,Adella Riwa amesema jamii ikifuata maelekezo ya wataalamu wa afya juu ya namna Bora ya kujinga na maambukizi ya virus vya  Corona itasaidia kuondoa maambuki mapya ya virus hivyo.

Ameyasema hayo leo Mei 05 ,2020 wakati akikabidhi vifaa vitakavyotumika kwa ajili kunawa  mikono kwa wananchi na wafanyabiashara katika soko la kwa sadala liliko kata ya Masama kusini.

Pia ametoa rai kwa Taasisi nyingine kujitokeza na kuendelea kuungana na serikali katika kukabiliana na janga la Virusi vya Corona kwakuchangia mahitaji maalumu yanayohitajika kukabiliana na janga hilo.

Kwa upande wake mkurugenzi wa  halmashauri ya Wilaya ya Hai,Yohana Sintoo amesema kuwa vifaa hivyo vitawasaidia kukabiliana na tatizo la virusi vya Corona ikizingatiwa kuwa soko hilo limekuwa likitumika na wafanyabiashara kutoka sehemu mbalimbali za nchi.

"Namuelekeza Afisa Biashara kwenda kuvifunga hivi vyombo pale sokoni,na Mganga Mkuu (DMO) ahakikishe anafika kwaajili ya kuendeleza kutoa elimu yakujikinga na matumizi sahihi ya vifaa hivi." Amesema Sintoo.

Vifaa vilivyokabidhiwa ni mapipa matatu yalitengenezwa kisasa kwa ajili ya kunawa mikono pamoja lita 20 za sabuni vyenye thamani ya shilingi 650,000.