Halmashauri Ya Hai Yapongezwa Kwa Hati Safi

Imetumwa: July 2nd, 2024

Halmashauri ya wilaya ya Hai imepongezwa kwa kupata hati safi kwa miaka mitatu mfululizo.

Pongezi hizo zimetolewa na Mkuu wa Mkoa wa Kilimanjaro Mheshimiwa Nurdin Babu katika mkutano maalum wa Baraza la madiwani wa Halmashauri ya wilaya ya Hai uliojadili taarifa za Mthibiti Mkuu wa Hesabu za Serikali (CAG).

Pamoja na pongezi hizo Babu pia amewapongeza  kwa ukusanyaji wa mapato ya halmashauri na kusema kuwa ni wajibu wake kuelekeza viongozi mahala palipo na fedha kuchukua ili kuweza kufikia malengo.

Kwa upande wake kaimu katibu Tawala mkoa wa Kilimanjaro Mheshimiwa,Piasano Kilumbi amesema katika  mwaka wa fedha ulioisha Juni 30,2024 halmashauri ya wilaya ya Hai ilikuwa ni asilimia 105 katika ukusanyaji wa mapato.

Pia amemtaka Mkurugenzi Mtendaji wa halmashauri ya wilaya ya Hai kuhakikisha mapato yatokanayo na stendi yanathibitiwa vizuri pamoja na kutazama bajeti ya mwaka 2025/2026 kukuzwa kutokana na wigo wa vyanzo vya mapato vilivyopo.

Naye mkuu wa wilaya ya Hai Mheshimiwa Amiri Mkalipa amesema uwepo wa Timu ya wataalam Imara,madiwani  makini na kamati ya Ulinzi na Usalama bora watu imewezesha halmashauri kuvuka lengo la makusanyao.

Kwa upande wake  Mkurugenzi mtendaji wa halmashauri ya wilaya ya Hai Ndugu ,Dionis Mnyiga amemwomba Mkuu wa Mkoa wa Kilimanjaro  kuisadia  halmashauri ili ipate malipo ya Bima ya afya iliyoboreshwa ICHF Kwa wakati kwakuwa fedha hizo zinatengewa bajeti.