Jukumu La Kupanda Miti Ni La Kila Mwananchi

Imetumwa: May 10th, 2023

Baraza la madiwani la Halmashauri ya   Wilaya ya Hai limemtaka                        Mkurugenzi Mtendaji wa Halmashauri  hiyo, kuwasimamia watendaji wa vijiji na  Kata katika kuhamasisha wananchi kutunza mazingira kwa kuotesha miti maeneo                         yanayozunguka vyanzo vya maji.

Mwenyekiti wa Halmashauri hiyo, Edmund Rutaraka amtoa kauli hiyo katika kikao cha    baraza la madiwani cha robo ya tatu ya  mwaka 2022/2023 ambapo alisisitiza kuwa maeneo mengi ya vyanzo vya maji yanahitaji uboreshaji wa haraka kwa    kupanda miti.

"Maeneo mengi ya vyanzo vya maji        yameharibika            hususani kingo za   maeneo hayo        kutokana na wananchi   kulima ndani ya    mito jambo ambalo ni    hatari kwa vyanzo hivyo Mkurugenzi lazima ulisimamie kwa umakini" Alisema Rutaraka.

Hatua ya baraza hilo iimekuja baada ya      Kamati ndogo ya kufuatilia halia ya uharibifu wa mazingira iliyoundwa katika baraza la   robo ya pili kuwasilisha taarifa yake             iliyoonesha kuwepo kwa uharibifu wa     mazingira katika vyanzo vingi vyamjai      vinavyohusisha ukataji miti na baadhi ya wananchi kulima katika vyanzo hivyo.

Awali akitoa taarifa za kamati hiyo Nasibu Mndeme amesema maeneo ya vyanzo vya maji yamevamiwa na kufanyika shughuli mbalimbali zikiwemo kilimo cha mboga  mboga, vilevile ukataji wa miti kwa ajili ya Mbao.

"Mhe. Mwenyekiti baadhi ya maeneo      yamevamiwa sana na watu jambo             ambalo linapelekea upungufu mkubwa wa maji na hata magonjwa ya mlipuko       kutokana na baadhi ya watu kutumia        sehemu za mito kwa kutengenezea pombe haramu yagongo na kumwaga mabaki   ndani ya maji               ambayo hutumiwa na binadamu".

Hata hivyo kamati ndogo imetoa pendekezo kwa kila mwananchi kuhakikisha kuwa      anapanda miti na kuitunza ili iweze kukuwa pamoja na kutunza mazingira ya vyanzo vya maji ili viweze kuwa endelevu katika kutoa huduma kwa wananchi