Mkalipa Ataka Viongozi Wa Dini Kufundisha Waumini

Imetumwa: November 8th, 2023

Mkuu wa wilaya ya Hai mheshimiwa Amir Mkalipa amewataka viongozi wa dini kuwafundisha waumini kuwa na hofu ya Mungu kwa kutenda matendo mema na kuachana na maovu ili taifa liweze kuondokana na majanga mbalimbali.

Amebainisha hayo alipokuwa akizungumza na viongozi wa dini na waumini wa madhehebu mbalimbali wakati akifungua maombi ya kuombea wilaya na taifa yalitofanyika katika viwanja vya halmashauri.

Ameongeza kuwa hofu ya Mungu inapokosekana katika jamii husababisha  maovu kutokea na kufanyika katika jamii hivyo Kila mwananchi   anatakiwa kuhudhurua katika nyumba za ibada ili kupata mafundisho yatakayowawezesha kuondokana na maovu na kutenda mema.

Ameongeza kuwa wazazi pia wana jukumu la  kuwalea watoto  katika maadili mazuri kwa kuwafundisha watoto kufanya kazi kwa bidii badala ya kuwaachia wasaidizi wa ndani kazi zote za nyumbani .

Akizungumzia kuhusu manyanyaso wanayopitia baadhi ya wafanyakazi wa ndani ,mkuu wa wilaya amewaasa wazazi na waajiri wanaowanyanyasa wasichana wa kazi kuacha mara moja tabia hiyo kwani atakayebainika hatua Kali zitachukuliwa dhidi yake.

Nao baadhi ya viongozi wa dini kutoka madhehebu mbalimbali walioshiriki katika maombi hayo wamesema kuwa majanga yanayotokea katika jamii ni kutokana na uovu unaofanywa  katika jamii hivyo jamii inapaswa  kuomba rehema  kwa Mungu na kuacha maovu