Mkurugenzi Akumbusha Uwajibikaji kwa Watumishi

Imetumwa: February 3rd, 2020

Mkurugenzi Mtendaji wa Halmashauri ya Wilaya ya Hai Yohana Sintoo amewataka watumishi wa halmashauri hiyo kuendelea kufanya kazi kwa bidii huku wakizingatia kufanya kazi kwa weledi wakati wa kuwahudumia wananchi.

Sintoo ameyasema hayo mapema leo asubuhi wakati wa kikao cha kawaida cha kutathmini kaz za wiki iliyokwisha na kuweka mipango ya kazi kwa wiki inayoanza.

Akizungumza kwenye kikao hicho cha watumishi ambacho hufanyika kila siku ya Jumatatu kuanzia saa moja na nusu asubuhi hadi saa mbili kamili asubuhi.

Amesema uwepo wa watumishi kwenye halmashauri ni kwa ajili ya kutoa huduma kwa wananchi walipa kodi ambao kimsingi ndio waajiri wa watumishi wa umma.

Kwa kupitia kikao hicho; Sintoo amewapa pole watumishi wote kwa kuondokewa na mtumishi mwenzao wa Idara ya Afya Joyce Chamshama aliyefariki kwenye ajali iliyotokea kwenye kiwanja cha majengo.

Aidha amewatangazia msiba wa Joram Lyatuu aliyewahi kuwa Mkurugenzi Mtendaji wa Halmashauri ya Hai kwa mwaka 1994 na 1995 na kuwataka watumishi wenye nafasi kuungana na familia kwenye mazishi.

Mkurugenzi Mtendaji ameweka utaratibu wa kupoa taarifa za utekelezaji na mipango ya kazi kila wiki ambapo idara na vitengo hupata nafasi ya kuwasilisha namna wanavyotekeleza kazi zao kwenye kikao.