Mkurugenzi Hai Awatakia Heri ya Mitihani Darasa la Saba

Imetumwa: October 7th, 2020

Mkurugenzi Mtendaji wa Halmashauri ya Wilaya ya Hai  Yohana Sintoo amewatakia mitihani mema wananfunzi wa darasa la saba leo hii katika kipindi cha Siku  Mpya Redio Boma Fm.

Ndg.Sintoo ameeleza katika wilaya ya hai  kuna wanafunzi 4,382 wanoenda kuhitimu na ina jumla ya shule za msingi 126 na takribani walimu 2200  ameeleza kwa kusema ni moja ya wilaya iliyopo mbele sana kwenye swala la elimu kulinganisha na wilaya nyingine na ni kati ya Halmashauri 186 zilizopo hapa nchini Tanzania.

"Siri kubwa ya mafanikio katika swala la elimu ni pamoja usimamizi makini,ushirikiano na walimu pamoja na maafisa wa elimu katika halmashauri yetu" Sinto amesema.

Licha ya hayo bado Sintoo amebainisha kuwa kuna baadhi ya shule zisizofanya vizuri kwa kuchagua na kwamba amechagua shule tano(5) za sekondari na shule nne (4) za msingi kuzifanyia ufuatiliaji wa karibu ili kuzisaidia kuinuka kielimu.

"Sio shule za msingi tu pekee zinafanya vizuri bali hata za sekondari zinafanya vizuri mfano mzuri  mwanafunzi  aliyekuwa wa nne kitaifa kutoka  wilaya ya hai  akapewa zawadi ya pesa taslimu laki tano (500,000) kama kumuhamasisha afanye vizuri zaidi". Ameongeza Sintoo.

''Na hata kwa shule iliyokuwa haifanyi vizuri kama Longoi iliyokuwa ya mwisho kati ya shule 45 lakini kwa sasa tumeboresha miundombinu ya madarasa, nyumba za walimu na tumetoa kiasi cha shilingi milioni 64 na nina imani kabisa kwasasa itafanya vizuri''.

Aidha Sintoo ametoa rai kwa wazazi kutowaachia walimu majukumu ya kulea wanafunzi bali washiriki kuwasaidia watoto wao kulingana na changamoto zao.