Mkuu Wa Wilaya Ya Hai Aridhishwa Na Utekelezaji Wa Miradi

Imetumwa: June 4th, 2024

Mkuu wa wilaya Hai Amir Mkalipa akiongozana na kamati ya  ulinzi na usalama wilaya pamoja na wataalamu mbalimbali wa Halmashauri  wameanza ziara ya kutembelea na kukagua miradi ya maendeleo  ikiwa ni utaratibu wa serikali kila ifikapo mwisho wa mwaka wa fedha.

Mkalipa amesema kuwa wamekagua jumla ya miradi minne  ya maendeleo ukiwemo mradi wa shule ya msingi Nkwarungo,shule ya sekondari Harambee,shule ya wasichana Machame na kituo cha afya Kisiki na kwamba miradi hiyo imekamilika kwa ubora uliotakiwa.

“Leo tumetembelea miradi ya maendeleo minne katika wilaya yetu ya Hai,na huu ni utaratibu wa kawaida wakiserikali wa ukaguzi wa miradi kwa  sababu  ni mwisho wa mwaka wa fedha ni lazima tuhakikishe fedha zilizokuja zinatumika vizuri na kwa usahihi,lakini pia miradi hiyo inakamilika kwa ubora unaotakiwa”Mkalipa

Kwa upande wake mkuu wa taasisi ya kupambana na kuzuia rushwa Josia Gunda  amewapongeza wasimamizi wa miradi hiyo ya maendeleo kwa kufuata ushauri wa TAKUKURU kwa kutumia mafundi wanaowafahamu kwani kwa kufanya hivyo kazi zimeenda kwa kiwango kinachotakiwa.

“lakini pia niwapongeze kwa sababu mmeweza kuzingatia ushauri tuliotoa TAKUKURU kwa kuweza kutumia mafundi mnaowafahamu na hapa tunaona matokeo ya kutumia fundi mnayemfahamu na kummudu kazi imeenda vizuri na hatudaiani”Gunda