Mwenyekiti UWT Apongeza Watumishi Divisheni Ya Maendeleo

Imetumwa: August 29th, 2023

Mwenyekiti wa umoja wa wanawake Tanzania wilaya ya Hai ambaye pia ni Mkurugenzi washirika la Gaeso Bi Hapyness Eliufoo ametoa pongezi kwa watumishi wa divisheni ya Maendeleo ya Jamii na serikali kwa ujumla kwa kuleta mpango wa malezi ya watoto  katika wilaya ya Hai.

Ameyasema hayo wakati wa uzinduzi wa programu jumuishi ya taifa ya malezi, makuzi na maendeleo ya awali ya mtoto yaliyofanyika katika ukumbi wa halmashauri ya wilaya ya Hai ambapo amesema wanawake sikuhizi wameacha utaratibu wa malezi ya mtoto suala ambalo limechangia kuporomoka kwa maadili.

Eliufoo amesema mpango huu umekuja wakati muafaka na ukitekelezwa vema utapunguza au kumaliza  changamoto ya maadili katika jamii na kuwataka wadau wote wanaotakiwa kushiriki katika mpango huu kutekeleza wajibu wao kwa maslai ya taifa.

Pamoja na hayo ameshauri kiundwe kikundi kwenye kata, na vijiji kuhusu swala la malezi  na vikundi hivyo  vijengewe uwezo ili vitoe huduma katika jamii.