Shilingi Milioni 93 Zatolewa Mkopo Kwa Vikundi Vya Vijana,Wanawake Na Watu Wenye Ulemavu

Imetumwa: April 26th, 2022

Mbunge wa jimbo la Hai Mhe. Saashisha Mafuwe leo amekabidhi mkopo wenye jumla ya shilingi milioni 93 ikiwa ni pamoja na pikipiki 21 kwa vijana wa bodaboda wilayani Hai.

Aidha mikopo hiyo imetolewa kwa vikundi vinne vya vijana, kikundi kimoja cha wanawake pamoja na walemavu watano ambapo zoezi hilo limefanyika katika ukumbi wa halmashauri ya wilaya ya Hai.

Mbunge Saashisha ameeleza kuwa pikipiki hizo zimekabidhiwa kwa vijana hao kwa lengo la kwenda kuinua maisha yao kiuchumi, hii ikiwa ni mara baada ya kujiunga katika vikundi na kukidhi vigezo husika.

Mbunge huyo amewataka vijana waliopatiwa pikipiki hizo kwenda kuzitunza na kuendelea kuwa mfano mzuri kwa kuwa waendesha pikipiki wanaofuata sheria na taratibu za usalama barabarani.

 Kwa upande wake mkurugenzi mtendaji wa halmashauri hiyo Dionis Myinga ameeleza kuwa katika milioni 93 zilizotolewa mkopo leo, mil 50 ni za mapato halisi ya ndani pamoja na fedha za marejesho zaidi ya shilingi mil 42