Soko la Madini kufunguliwa Wilayani Hai

Imetumwa: April 30th, 2019

Serikali  Wilaya ya Hai Mkoani Kilimanjaro imedhamiria kuanzisha soko la madini katika eneo la uwanja wa

 ndege wa Kimataifa wa Kilimanjaro ili kuwa sehemu ya uhakika ya kuuzia madini ya aina mbalimbali  kwa bei elezekezi.

Akikagua eneo hilo Mkuu wa wilaya ya Hai, Lengai Ole Sabaya amesema  soko hilo la kisasa ,litakuwa na aina zote za 

madini yanayopatikana Tanzania na pia litawasaidia wachimbaji wadogo kutambua bei elekezi ya serikali ya ununuzi 

wa madini hatua  ambayo itawasaidia kunufaika nayo.

“Soko hili kwa sasa tutalianzisha ndani ya uwanja huu wa ndege wa KIA na tunatarajia ndani ya siku saba soko hili 

litakuwa limekamilika kwa kuanza kutoa huduma kwa wachimbaji ”amesema Mkuu wa Wilaya.

Ole Sabaya amesema kuwa, soko hilo   litarahisisha huduma za uuzaji na ununuzi wa madini ambapo huduma zote 

zitatolewa ndani ya jengo moja hivyo kuokoa muda wa wauzaji na wanunuzi wa madini

“Tukijenga soko hili hapa advantage yake(faida )  ni kwamba mtu yoyote akifika hapa anaelezwa umeingia 

Tanzania na kwamba madini yote yanapatikana hapa, madini ya tanzanite yanapatikana Mirerani unayakuta

 hapa,madini ya almasi kutoka mwadui yanapatikana hapa ”amesisitiza Sabaya

Kwa upande wake, afisa madini mkazi mkoa wa Kilimanjaro, Fatuma Nkyando amesema soko hilo litasaidia%