Waalimu Watakiwa Kufuata Hatua Muhimu Za Utunzaji Wa Miti

Imetumwa: May 10th, 2022

Kaimu mkurugenzi wa Halmashauri ya wilaya ya Hai Julius Mduma  amewataka wajumbe wa mazingira  kuzingatia hatua zote  muhimu za utunzaji wa miti ili kuleta mabadiliko mazuri  na kutunza uoto wa asili.

Ameyasema hayo leo Mei 10 2022 wakati akifungua semina ya mafunzo ya utunzaji miti iliyohusisha, walimu wakuu wa shule za msingi na sekondari pamoja na idara ya maliasili na utalii, iliyofanyika katika ukumbi wa halmashauri hiyo.

Mduma amewataka wajumbe hao kuendelea kuchimba mashimo ya kuoteshea miti huku akiwaahidi kuwa  changamoto wanazokabiliana nazo zitaendelea kufanyiwa kazi.

Naye Mkurugenzi wa Kijani Pamoja Fredrick Marealle amehaidi kuendelea kufanya ufuatiliaji wa kitafiti wa miti hiyo pindi itakopo oteshwa huku akisisitiza upandaji wa miti ya asili inayoendana na mazingira ya eneo husika

Kwa upande wake mwezeshaji wa mafunzo hayo amesema kuwa utunzaji wa miti hiyo utaleta faida ya fedha kiasi cha shillingi mia nne [400] kwa kila mti baada ya miezi mitatu [3] na kuwaomba watumie fursa hiyo  kuotesha miti na kuitunza ili wawaze kupata kipato hicho.

 Hata hivyo halmashauri kushirikiana na wajumbe kutoka sekta binafsi na serikali wanategemea kuotesha miti Zaidi ya elfu hamsini[50000]