Wakandarasi Watakiwa Kukamilisha Kazi Kwa Wakati

Imetumwa: May 8th, 2023

Wakandarasi wanaotekeleza ujenzi wa miradi ya miundombinu ya Barabara    Wilayani Hai wameagizwa kukamilisha mirada hio kwa wakati.

 Hayo yamesemwa Mei 8, 2023 na Mwenyekiti wa    Chama Cha Mapinduzi (CCM) Wilaya ya Hai Mhe. Wang’uba   Maganda   pamoja na   kamati ya Siasa ya Chama hicho  Wilaya ya Hai  wakiwa katika ziara ya ukaguzi  wa utekelezaji wa Ilani ya CCM 2020-2025  kwenye  miradi mbalimbali  walitoa agizo hilo  baada ya kupokea taarifa kutoka kwa Meneja wa wakala wa barabara vijijini na mijini (TARURA)   juu ya ujenzi wa barabara ya Nyerere na Bomang’ombe-Kikavu.

Kwa mujibu wa taarifa hiyo ya TARURA inaonesha kuwa ujenzi wa barabara ya Bomang’ombe-Kikavu Chini utakamilka tarehe    25/08/2023 huku barabara ya Nyerere ulitegemewa kukamilika 26/02/2023 muda ambao umeisha na kwa sasa ameongezewa muda wa nyongeza.

“Kwahio unatuambia tarehe 31 Mwezi huu hatutakuona kwenye Site”? Aliuliza         Maganda kwa  Mkandarasi BUILDERS AND LIME WORKS LTD  anayenga barabara ya Nyerere. 

 Kutokana na hali Maganda amewasisitiza wakandarasi wote wanaofanya kazi katika wilaya ya Hai kuhakikisha kuwa  wanakamilisha miradi kwa wakati ili wananchi waweze kunufaika na miradi hiyo kama ambavyo Serikali imekusudia Awali akitoa taarifa mbele ya Kamati hiyo Meneja wa TARURA wilaya Kuya Francis alisema awali Wilaya ya Hai ilikuwa na Bajeti ya     takribani    bilioni moja lakini Rais wa Jamhuri ya Muungano wa Tanzania Mhe Dkt. Samia Suluhu Hassan aliongeza kiasi cha shilingi bilioni 4.5 na hivyo kufanya     bajeti hiyo kufikia  bilioni 5.5.

 Ameongeza kwakusema kuwa ujenzi wa barabara ya                    Bomang’ombe-kikavu Chini kwa kiwango cha lami yenye urefu wa 0.5 km  unaogharimu kiasi cha shilingi 299,00,000   barabara  Nyerere  yenye urefu wa 0.79  unaogharimu kiasi cha shilingi 418,225,000 ni sehemu ya miradi iliyotekelezwa kwa fedha hizo.  Aidha Fraincis alisema  lengo la miradi hiyo  ni kuwezesha huduma za usafiri na         usafirishaji, kuboresha mandhari ya mji, kuchochea shughuli za kiuchumi  pamoja na kupunguza gharama za matengenezo ya barabara mara kwa mara.