Wanachi Waelekezwa Kula Chakula chenye Lishe kamili

Imetumwa: May 4th, 2023

Jamii imetakiwa  kuhakikisha kuwa inapata mlo kamili na kwa      wakati ili kuondoa    tatizo la udumavu kwa watoto sambamba na kuzuia ongezeko la magonjwa                yasiyoambukiza.

Wito huo umetolewa Mei 4,2023 na Afisa lishe wilayani Hai Bi. Silvania Kullaya katika kikao cha      Kamati ya Lishe cha robo ya tatu                 kilichofanyika wilani Hai kikiusisha pia wakuu mbalimbali wa Divisheni kikiwa na lengo la      kujadili shughuli mbalimbali       zilizofanyika katika idara ya lishe               mtambuka .

“Katika kikao hichi tumeweza kudadavua mambo mbali mbali na tumebaini      changamoto zilizojitokeza na tumetoa   suluhu ya changamoto hizo ili kuendelea kuboresha hali ya lishe ya wilaya yetu”.

Tumeweka mkazo zaidi na kusisitiza      mambo yote yanayohusiana na lishe yanazingatiwa katika shule zetu za msingi na sekondari hasa ulimaji wa mbogamboga na kuimarisha klabu za lishe mashuleni lakini pia kuhakikisha watoa huduma ya afya katika ngazi ya vijiji, kata na wilaya           kuendelea kutoa elimu ya afya katika ngazi zao ili elimu iifikie jamii nzima kwa urahisi zaidi”: Bi. Silvania

Bi. Silvania amesisitiza kuwa, ni vyema jamii ikafahamishwa kiundani kuhusu vyakula muhimu  ambavyo vitaimarisha afya na

kumkinga mwananchi dhidi ya magonjwa  yasiyokuwa ya kuambukiza tofauti na hali  ilivyo kwa hivi sasa ambapo watu wengi     hupenda kula vyakula vya kuchoma na vyenye mafuta mengi sambamba na kuwa na mtindo wa maisha usiofaa ambapo      baadae husababisha magonjwa kama       kisukari, presha, kansa na mengine              yakufanana na hayo hayo.

Ameendelea kwa kusema kua, tatizo la lishe linaanzia katika familia hivyo ni vyema        kuhamasisha kinamama kuhudhuria kliniki jambo ambalo litawasaidia kupata huduma mbali mbali kuhusiana na vyakula            ambavyo vitawasaidia wakati wa             kunyonyesha na kumsaidia mtoto anaekua hususani        maandalizi ya vyakula kwa watoto wenye umri  chini ya miaka mitano.

Akiongeza kwakusema, njia pekee ya kuondoa tatizo la udumavu kwa watoto na magonjwa yasiyoambukiza kwa jamii ni elimu, na Wilaya ya Hai imejipanga vilivyo katika kuhakikisha elimu hiyo inatolewa kwenye jamii zote.