Wananchi Watakiwa Kuhakiki Majina Yao

Imetumwa: October 19th, 2019

Wananchi waliojiandikisha katika daftari la orodha ya mpiga kura wametakiwa kwenda kuhakiki majina yao kuanzia  tarehe 18/10/2019 hadi tarehe 24/10/2019.

Msimamizi wa uchaguzi katika halmashauri ya wilaya ya Hai Juma Masatu amesema uhakiki unafanyika katika vituo vya uandikishaji ambapo majina yamebandikwa.

Aidha amesema katika kipindi hiki cha uhakiki zitapokelewa pingamizi dhidi ya waliojiandikisha bila kuwa na  sifa na kwamba mtu anaye ruhusiwa kutoa pingamizi ni yule aliyejiandikisha katika orodha ya daftari la wapiga kura  na atapaswa kutoa pingamizi kwa msimamizi msaidizi wa uchaguzi wa kijiji.

Aidha Masatu amefafanua kuwa mtu ambaye hakujiandikisha hana sifa ya kwenda kumwekea mtu aliejiandikisha pingamizi na anaetoa pingamizi lazima awe amejiandikisha katika kitongoji kimoja na anaemwekea pingamizi.