Wananchi Watakiwa Kushiriki Katika Ujenzi Wa Miradi

Imetumwa: July 17th, 2025

Jamii imetakiwa kushiriki kikamilifu katika utekelezaji wa miradi mbalimbali inaofanyika katika kata zao ikiwemo miradi ya elimu  ili kuwezesha miradi hiyo kukamilika kwa wakati na kuleta manufaa kwa jamii husika.

Hayo yamebainishwa na Afisa Elimu ya watu wazima na Elimu Maalumu Emaculata Mgaza ambaye ni msimamizi wa Mradi wa Boost kwa shule ya Msingi Tolu  iliyopo Kata ya Romu na Kambi ya Raha iliyopo Kata ya Muungano ambazo zimepewa 88,600,000 kwa kila mmoja.

Akizungumza katika kikao hicho Kaimu Mkuu wa Idara ya Msingi  na Awali Jafari Zaidi amesema kuwa serikali imetoa fedha hizo kwa  ajili ya kuboresha mazingira ya ufundishaji na ujifunzaji katika shule za awali na msingi.

Zaidi amewataka   amewataka watekelezaji wa mradi huo kusimamia vema mradi huo ili lengo la serikali lifikiwe.

Nao baadhi ya wananchi  wameipokea kwa furaha kubwa miradi hiyo ambapo wameeleza kuwa wanafunzi wataondokana na changamoto mbalimbali zilizokuwa zikiwakabili ikiwa ni pamoja na msongamano katika madarasa pamoja na upungufu wa matundu ya vyoo.