Wilaya Ya Hai Yapongezwa Kuwa Usimamizi Bora Wa Miradi

Imetumwa: July 6th, 2022

Halmashauri ya Wilaya ya Hai imepongezwa kwa usimamizi bora wa miradi ya maendeleo inayoendana na thamani halisi ya fedha.

Pongezi hizo zimetolea leo  Julai 06 2022 na Kaimu Mkurugenzi  Msaidizi Takwimu Idara ya sera na mipango Ofisi ya Rais Tawala za Mikoa na Serikali za Mitaa  (OR  TAMISEMI)  ndugu Joseph Mwacha ambapo  amesema katika miradi ya elimu na afya waliyotembelea na kukagua ipo vizuri na kuwataka kuendelea kuisimamia miradi hiyo ili ikamilike kwa muda uliokusudiwa.

Mwacha amewataka kutokutoa miradi mingi kwa mkandarasi mmoja jambo amabalo linaweza kufanya baadhi ya miradi kutokamilika kwa wakati, pia kuhakikisha kuwa taratibu zote za matumzi ya fedha katika utekelezaji wa miradi zinafuatwa.

kwa upande wake Afisa Utumishi OR TAMISEMI ndugu Joyce Mushi ameipongeza timu ya usimamizi wa miradi kwa kazi kubwa iliyo fanyika na kuwataka kuendelea kutembelea miradi mara kwa mara ili kuzuia mapungufu yanayoweza kujitokeza.

Akitoa shukurani zake Kaimu Mkurugenzi wa Halmashauri ya Wilaya ya Hai ndugu David Lekei amewashukuru OR TAMISEMI kwa kutoa fedha kwa ajili ya utekelezaji wa miradi na kuiomba serikali izidi kutenga fedha zaidi hasa katika miradi ya afya na elimu.