Wilaya Ya Hai Yapongezwa Kwa Ujenzi Wa Mradi Afya Wenye Thamani Ya Shilingi Milioni 900

Imetumwa: June 25th, 2023

Mwenge wa uhuru umeweka jiwe la msingi katika ujenzi wa majengo manne na njia za kupitishia wagonjwa (walk ways) katika hospitali ya wilaya ya Hai.

Akiweka jiwe la msingi katika ujenzi wa mradi huo uliogharimu shilingi 900,000,000, kiongozi wa mbio za mwenge kitaifa 2023 Abdalla Shaib Kaim ameagiza hadi kufikia tarehe 30 Septemba 2023 mradi huo uwe umeshakamilika.

“Mhe. mkuu wa wilaya nikupongeze wewe binafsi ukiwa kama msimamizi wa shughuli za serikali ndani ya wilaya yako ikiwa pia ni pamoja na program mbalimbali za maendeleo, kwa  upande wa ujenzi tumekagua, tumetembelea, tumehakiki vipimo pamoja na kuangalia ubora wa mradi huu itoshe kusema mhe. mkuu wa wilaya viwango na ubora vimezingatiwa”

Aidha mwenge wa uhuru pia umeweka jiwe la msingi katika ujenzi wa zahanati ya Shirinjoro inayojengwa kwa gharama ya shilingi 80,000,000 ambapo kiongozi wa mbio za mwenge ametoa pongezi za dhati na kueleza kuwa mradi huo umezingatia vigezo ikiwa ni pamoja na thamani ya fedha kuonekana katika mradi huo.