Zaidi ya Milioni 700 Kujenga Shule Hai

Imetumwa: July 5th, 2024

Jumla ya kiasi cha shilingi 773,100,000 kimepokelewa na halmashauri ya wilaya ya Hai  kwaajili ya ujenzi wa shule mpya  katika kata mbili za wilaya ya Hai lengo likiwa na kupunguza msongamano wa wanafunzi darasani.

Hayo yameelezwa  na Mkuuu wa division ya elimu msingi ndugu Hussen Kitingi wakati akitambulisha  miradi katika kata ya masama kusini katika wilaya ya hai.

Amesema  kati ya fedha hizo sh mil.351,500,000/=ni za ujenzi wa shule ya mpya ya msingi katika kata ya masama kusini , 351,500,000  kwa ajili ya ujenzi  wa shule mpya ya msingi  kata ya Machame  Magharibi pamoja na shilingi 70,100,000 kwa ajili ya kujenga madarasa mawili ya mfano katika shule ya msingi Nkwanara  kata ya Machame Magharibi.

Aidha amesema kuwa mrdi wa shule za boost unatakiwa kukamilika baadaya miezi mitatu ikiwa na lengo la kupunguza msongamano madarasi na kutatua  changamoto ya wanafunzi kutembea  umbali wa muda mrefu.

Kwa upande wake Mwenyekiti wa kijiji cha kwasadala ndugu  Edmen Massawe ameishukuru Serikali ya awamu ya sita ambayo inaongozwa na Rais wa Jamhuri ya Muungano wa Tanzania Dkt.Samia Suluhu Hassani kwa kuleta fedha hizo zitakazo  itakayo ondoa changamoto ya Watoto kutembea umbali mrefu.

Naye mwananchi mmoja aliyejitambulisha kwa jina la Doglas Neleko amesema kutokana umuhimu wa elimu uliopo kwa sasa wameupokea mradi huo wa boost awamu ya pili ambapo utasaidia kuongeza shule mpya ambazo zitasaidia watoto kujisomea na kupata  haki ya elimu.